ሰሞኑን በአንዳንድ ማኅበራዊ መገናኛ ዘዴዎች ብፁዕ አቡነ አብርሃም የመንበረ ፓትርያርክ ጠቅላይ ቤተክህነት ዋና ሥራ አስኪያጅና የባህርዳር ሀገረ ስብከት ሊቀ ጳጳስን በማስመልከት የሚሰራጩት ዜናዎች ፍጹም ከእውነት የራቁና ሕዝበ ክርስቲያኑን ለማደናገር የሚነዙ ሐሰተኛ ዘገባዎች ናቸው።

ብፁዕ ጠቅላይ ሥራ አስኪያጁ በመንፈስቅዱስ ፈቃድና በቅዱስ ሲኖዶስ ምልዓተ ጉባኤ የተጣለባቸውን ከባድ ኃላፊነት በብቃት፣በትጋትና በውጤታማነት እየተወጡ የሚገኙ ሲሆን ወደፊትም የጀመሯቸውን መንፈሳዊ፣ ማኅበራዊና አስተዳደራዊ ተግባራትን የበለጠ በማጠናከር ቅድስት ቤተክርስቲያን የገጠሟትን ፈተናዎች ሁሉ በጽናት በመቋቋም በመንፈስ ቅዱስ ልጆቻቸው ጸሎትና ሁሉን አቀፍ ድጋፍ ኃላፊነታቸውን አጠናክረው የሚቀጥሉ መሆኑን በማክበር እንገልጻለን።

ብፁዕ ጠቅላይ ሥራ አስኪያጁ ቅድስት ቤተክርስቲያን የጣለችባቸውን ከባድ ኃላፊነት በመተው ከጠቅላይ ሥራ አስኪያጅነታቸው ሊለቁ እንደሆነ በአንዳንድ ማኅበራዊ መገናኛ ዘዴዎች እየተገለጸ ያለው ዘገባም ፍጹም ሐሰት መሆኑን በድጋሚ እየገለጽን ምዕመናን በአንዳንድ ማኅበራዊ የመገናኛ አውታሮች የሚነዛው መረጃ የሐሰት መሆኑን በመረዳት ለብፁዕ ጠቅላይ ሥራ አስኪያጁ የሥራ ስኬት በጸሎትና በተለያዩ መንገዶች ስታደርጉ የቆያችሁትን ድጋፍ አጠናክራችሁ እንድትቀጥሉ ቅድስት ኦርቶዶክሳዊት ተዋሕዶ ቤተክርስቲያናችን ጥሪዋን ታስተላልፋለች።

የኢትዮጵያ ኦርቶዶክስ ተዋሕዶ ቤተክርስቲያን
መንበረ ፓትርያርክ ጠቅላይ ጽሕፈት ቤት

ግንቦት ፳፩ ቀን ፳፻ ፲ወ ፭ ዓ.ም
አዲስአበባ -ኢትዮጵያ

ቅዱስ ሲኖዶስ ከግንቦት ፩ ቀን ፳፻ ፲ወ ፭ዓ.ም አስከ ግንቦት ፲፭ቀን ፳፻ ፲ወ፭ ዓ.ም ድርስ በ ፲፰ አጀንዳዎች ዙሪያ የርክበ ካህናት ጉባኤውን ሲያካሒድ ከቆየ በኋላ ዛሬ ግንቦት ፲፮ ቀን ፳፻ ፲ወ ፭ዓ.ም ፲ ነጦቦችን የያዘ መግለጫ በማውጣት ጉባኤውን አጠናቋል።

ቅዱስ ሲኖዶስ በ2ኛ ቀን ውሎው የተከፋፈለ ሲኖዶስ እንደሌለ እና ከዚህ ሐሳብ ውጪ የሆነ አካል ከቅድስት ቤተ ክርስቲያን ሕግና ሥርዓት ውጪ የሆነ መሆኑን በመግለጽ መንግሥትን የሚያነጋግሩ ልዑካን ሰይሟል። በቅዱስ ሲኖዶስ በትግራይ ያሉ አባቶችና አባላቱን በአካል የሚያነጋግሩ ብፁዓን አባቶች ተመርጠው ኃላፊነት ተሰጥቷቸዋል።

በሥልጠናው መዝጊያ ላይ የተገኙት ብጹዕ ጠቅላይ ሥራ አስኪያጁ በህዝብ ግንኘነት አስፈላጊነትና ለቤተክርስቲያን ያለውን ፋይዳ በዝርዝር ገልጸው ቤተክርስቲያን በሃያ አንደኛው ክፍለ ዘመን በህዝብ ግንኙነት ዘርፍ ዘመኑን የዋጀና በቴክኖሎጂ የተደገፈ ሥራ መስራት እንደሚገባ ገልጸዋል።

በሥልጠናው መዝጊያ ላይ የተገኙት ብጹዕ ጠቅላይ ሥራ አስኪያጁ በህዝብ ግንኘነት አስፈላጊነትና ለቤተክርስቲያን ያለውን ፋይዳ በዝርዝር ገልጸው ቤተክርስቲያን በሃያ አንደኛው ክፍለ ዘመን በህዝብ ግንኙነት ዘርፍ ዘመኑን የዋጀና በቴክኖሎጂ የተደገፈ ሥራ መስራት እንደሚገባ ገልጸዋል።