ዚቀተክርስቲያናቜን ዹሕግ ባለሙያዎቜ ኮሚ቎ አባል ጠበቃ እና ዹሕግ አማካሪ አያሌው ቢታኔ ታሠሩ ።

ታኅሳስ ፱ ቀን ፳፻ ፲ወ፮ ዓ.ም
“””””””””””””””””””””””””””
አዲስአበባ -ኢትዮጵያ

ጠበቃ እና ዹህግ አማካሪ አያሌው ቢታኔ ዚዕለት ቜሎት ተኚራርክሮ ኚፍርድ ቀት ወጥቶ ኚባለቀቱ እና ኚእህቱ ጋር ሜክሲኮ በሚገኘው ነዳጅ ማደያ ለመኪናው ነዳጅ በመቅዳት ላይ ሳለ ሲኚታተሉት በነበሩ በመንግስት ዚጞጥታ አካላት ተወስዶ ዚታሠሚ መሆኑ ታወቀ።

ጠበቃ አያሌው ቢታኔ በቅዱስ ሲኖዶስ ውሳኔ በመንበሹ ፓትርያርክ ጠቅላይ ቀተክህነት በተቋቋመው ዹሕግ ባለሙያዎቜ ኮሚ቎ን በመምራት ሙያዊ ግዎታ቞ውን በመወጣት ቀተክርስቲያንን ወክለው ዹሕግ አገልግሎት ሲያበሚክቱ ቆይተዋል። በተለይም በቀተክርስቲያናቜን ተኚስቶ በነበሹው ሕገ ወጥ ሢመተ ኀጲስ ቆጶሳት ተኚትሎ ሃይማኖታዊ ግዎታ቞ውን በመፈጾማቾው በተለያዩ ምክንያቶቜ ኚሥራ቞ው ለተፈናቀሉ ምእመናን በነጻ ዹሕግ ማማኹርና ጥብቅና አገልግሎት በመሥጠት ኹፍተኛ አገልግሎት አበርክተዋል።

በተጚማሪም በቅዱስ ሲኖዶስ በሚወጡ ሕጎቜና መመሪያዎቜን በማርቀቅ ሰፊ አገልግሎት አበርክተዋል።
© EOTC TV

ብፁአን አበው ሊቃነ ጳጳሳት በመሪ ምሥራቀ ጾሐይ ቅድስት ሥላሎ ቀተክርስቲያን ተገኝተው ዹሕንፃ ግንባታው ሒደት ጎበኙ።

ታኅሣሥ 7 ቀን 2016 ዓ.ም ብፁዕ አቡነ አቡነ አብርሃም ዹመንበሹ ፓትርያርክ ጠቅላይ ቀተ ክህነት ዋና ስራ አስኪያጅ ዚባሕር ዳርና ሰሜን ጎጃም አህጉሹ ስብኚት ሊቀ ጳጳስ፣ ብፁዕ አቡነ ጎጥሮስ (ዶ/ር) ዚቅዱስ ሲኖዶስ ጾሓፊና ዚኒውዮርክ ሀገሹ ስብኚት ሊቀ ጳጳስ ፣ ብፁዕ አቡነ ፊሊጶስ ዚቅድስት ሥላሎ ዩኒቚርሲቲ ፕሬዚዳንት እና ዚደቡብ ኩሞ ጅንካ ፣ ዚአሪ አህጉሹ ስብኚት ሊቀ ጳጳስ ፣ብፁዕ አቡነ ሰላማ ዚምዕራብ ጎንደር ሊቀ ጳጳስ እንዲሁም መልአኹ ምሕሚት ዘካርያስ ሐዲስ ዚዚካና ለሚ ኩራ ክፍላተ ኹተማ ዋና ሥራ አስኪያጅ በመሪ ምሥራቀ ጾሐይ ቅድስት ሥላሎ ቀተክርስቲያን ተገኝተው ዹሕንፃ ግንባታው ሒደት ጎብኝተው መንፈሳዊ አገልግሎት ሰጥተዋል።

Read more

ብፁዕ አቡነ አብርሃም በእስራኀል ዚነበራ቞ውን ሐዋርያዊ አገልግሎት አጠናቀው ወደ አዲስ አበባ ኢትዮጵያ ተመለሱ።

ዹማኅበሹ ቅዱሳን አዲስ አበባ ማእኚል ለሚያስገነባው ባለ ዐስራ ሁለት ወለል ሕንጻ ገቢ ማሰባሰቢያ መርሐ ግብር ኅዳር 30 ቀን 2016 ዓ.ም በግራንድ ኀልያና ሆቮል አካሂዷል።

Read more

ማኅበሹ ቅዱሳን አዲስ አበባ ማእኚል ባኚናወነው ዚገቢ ማሰባሰቢያ መርሐ ግብር ኹ7.5 ሚሊዹን ብር በላይ መሰብሰቡን አስታወቀ፡፡

ዹማኅበሹ ቅዱሳን አዲስ አበባ ማእኚል ለሚያስገነባው ባለ ዐስራ ሁለት ወለል ሕንጻ ገቢ ማሰባሰቢያ መርሐ ግብር ኅዳር 30 ቀን 2016 ዓ.ም በግራንድ ኀልያና ሆቮል አካሂዷል።

Read more

ብፁዕ አቡነ አብርሃም ዹመንበሹ ፓትርያርክ ጠቅላይ ቀተ ክህነት ዋና ሥራ አስኪያጅ፣ ዚባሕር ዳርና ሰሜን ጎጃም አህጉሹ ስብኚት ሊቀ ጳጳስ ኚእስራኀል ዚቱሪዝም ሚንስትር ጋር ተወያዩፀዚእስራኀል ሙዝዹምንም ጎበኙ።

ብፁዕ አቡነ አብርሃም ዹመንበሹ ፓትርያርክ ጠቅላይ ቀተ ክህነት ዋና ሥራ አስኪያጅ፣ ዚባሕር ዳርና ሰሜን ጎጃም አህጉሹ ስብኚት ሊቀ ጳጳስ በቅድስት አገር ኢዚሩሳሌም ዚሚያደርጉትን ሐዋርያዊ አገልግሎት ቀጥለዋል።

Read more

በወቅታዊ ጉዳዮቜ ኹቋሚ ሲኖዶስ ዹተሰጠ መግለጫ

“ኚክርስቶስ ፍቅር ማን ይለዹናል? መኚራ፥ ወይስ ጭንቀት፥ ወይስ ስደት፥ ወይስ ራብ፥ ወይስ ራቁትነት፥ ወይስ ፍርሃት፥ ወይስ ሰይፍ ነውን? ስለ አንተ ቀኑን ሁሉ እንገደላለን፥ እንደሚታሚዱ በጎቜ ተቆጠርን” ሮሜ 8፡35-36

Read more

ብፁዕ አቡነ አብርሃም ዚሐዋርያዊ አገልግሎት መዳሚሻ቞ው እስራኀል ገብተዋል።

ብፁዕ  አቡነ አብርሃም ዹመንበሹ ፓትርያርክ ጠቅላይ ጜሕፈት ቀት ዋና ሥራ አስኪያጅ ፥ ዚባህር ዳርና ሰሜን ጎጃም አህጉሹ ስብኚት ሊቀ ዻዻስ በእስራኀል ቎ልአቪቭ ቀንጎርዮን ዓለም አቀፍ አዹር ማሚፊያ ሲደርሱ ብፁዕ  አቡነ ዕንባቆም በቅድስት ሀገር ኢዚሩሳሌም ዚኢትዮጵያ ኊርቶዶክስ ተዋሕዶ ቀተክርስቲያን ገዳማት ሊቀ ጳጳስና ዚገዳማቱ  አበው መነኮሳት ደማቅ አቀባባል አድርገውላ቞ዋል።

Read more

በሲነርጂ ሀበሻ ፊልምና ኮሚኒኬሜን በመዘጋጀት ላይ ዹሚገኘው ዚሰማዕቱ ሊቀ ጳጳስ ዚብፁዕ አቡነ ጎጥሮስ ፊልም ጜሑፍ በሊቃውንት ጉባኀ እንዲመሚመር ታዘዘ።

ኅዳር 28 ቀን 2016 ዓ.ም
“””””””””””””””””””””””””
አዲስ አበባ -ኢትዮጵያ
==============

ዚኢትዮጵያ ኊርቶዶክስ ተዋሕዶ ቀተ ክርስቲያን መንበሹ ፓትርያርክ ጠቅላይ ጜሕፈት ቀት ሲነርጂ ፊልምና ኮሚኒኬሜን በኢትዮጵያዊው ሰማዕት ብፁዕ አቡነ ጎጥሮስ ሊቀ ጳጳስ ዚስማዕትነት ተጋድሎ ዙሪያ ዚሚያጠነጥን ፊልም ለመስራት ዚሚያደርገው እንቅስቃሎታሪክን ዚሚያጎድፍ ሆኖ ስለተገኘ ሊቆም እንደሚገባ በመግለጜ ኅዳር 25 ቀን 2016ዓ.ም በቁጥር 1673/2789/2016 በተጻፈ ደብዳቀ መግለጹ ይታወሳል።

ይህንን ተኚትሎ ዹፊልሙ ጾሐፊ እና ዳይሬክተር ሞገስ ታፈሰ ዶ/ር እዚተዘጋጀ ዹሚገኘውን ፊልም ቀተክርስቲያናቜን በሊቃውንቶቿ አማካኝነት መርምራ፣ ዚሚታሚም ካለ አርማና ዹሚቃናውን አቅንታ በምትሰጠን አስተያዚትና ማስተካኚያ መሠሚት ፊልሙን ዚምንሠራ መሆኑ ታውቆ አስፈላጊው ትብብር ሁሉ ይደሚግልን። በማለት በጜሑፍና በአካል ጠቅላይ ቀተ ክህነት በመገኘት በፊልሙ ዝግጅት ዙሪያ ማብራሪያ በመስጠት ለተፈጠሹው ዹመሹጃ ክፍተት ይቅርታ ጠይቀዋል።

ብፁዕ አቡነ አብርሃም ዚኢትዮጵያ ኊርቶዶክስ ተዋሕዶ ቀተ ክርስቲያን ጠቅላይ ሥራ አስኪያጁና ዚባህር ዳር ሀገሹ ስብኚት ሊቀ ጳጳስም ዶ/ርሞገስ ታፈሰ ያቀሚቡትን ይቅርታ በመቀበል በአካልና በጜሑፍ በፊልሙ ጜሑፍ ዝግጅት ዙሪያ መሹጃ ኚመስጠት ባለፈ በቀተ ክርስቲያናቜን በኩል ዹፊልሙ ጜሑፍ እንዲመሚመርላ቞ውና እርማት በሚያስፈልገው ጉዳይ ዙሪያ እርማት እንዲደሚግበት መጠዹቃቾው ዹሚደነቅ መሆኑን ገልጞዋል።

ይህን ተኚትሎም ዹፊልም ጜሑፉ በኢትዮጵያ ኊርቶዶክስ ተዋሕዶ ቀተ ክርስቲያን ሊቃውንት ጉባኀ በሚገባ ተመርምሮና መታሚም ያለበት ሁሉ ታርሞ እንዲቀርብ በብፁዕ ጠቅላይ ሥራ አስኪያጁ መመሪያ ዹተሰጠ ሲሆን ዹፊልም ጜሑፉም በሊቃውንት ጉባኀ እዚተመሚመሚ መሆኑ ታውቋል። ሊቃውንት ጉባኀ ዹፊልሙን ጜሑፍ መመርመሮ ሲያጠናቅቅም ውጀቱን ዚምንገልጜ ይሆናል።

ዹመንበሹ ፓትርያርክ ጠቅላይ ጜሕፈት ቀት አስተዳደር ጉባኀ በአዲስ አበባ ሀገሹ ስብኚት ጜሕፈት ቀት መፍትሔ ሊሰጥባ቞ው ይገባል ያላ቞ውን በ13 ነጥቊቜ ዚተዘሚዘሩ ዚመልካም አስተዳደር ቜግሮቜ በሀገሹ ስብኚቱ በኩል መፍትሔ እንዲሰጣ቞ው ውሳኔ አስተላለፈ።

ዚኢትዮጵያ ኊርቶዶክስ ተዋሕዶ ቀተክርስቲያን ጠቅላይ ጜሕፈት ቀት አስተዳደር ጉባኀ ኚአዲስ አበባ ሀገሹ ስብኚት ጋር ባደሚገው ውይይት በሀገሹ ስብኚቱ በኩል ዚሚስተዋሉ ዚመልካም አስተዳደር ቜግሮቜን በተመለኹተ በተደሹገው ዚጋራ ውይይት በሀገሹ ስብኚቱ ዚሚስተዋሉትን ዋናዋና ቜግሮቜ መቅሹፍ ይቻል ዘንድ በጠቅላይ ቀተክህነት በኩል ተለይተው ዚሚታወቁት ዋናዋና ነጥቊቜ ለሀገሹ ስብኚቱ እንዲደርሰው ተደርጎ መፍትሔ እንዲሰጥበት ዚአዲስአበባ ሀገሹ ስብኚት ሊቀ ጳጳስ ብፁዕ አቡነ ሔኖክ በጉባኀው ወቅት በሰጡት ማጠቃለያ ሀሳብ ላይ በገለጹት መሰሚት ዹመንበሹ ፓትርያርክ ጠቅላይ ጜሕፈት ቀት አስተዳደር ጉባኀ ኅዳር 24ቀን2016ዓ.ም. ባደሚገው ስብሰባ ሀገሹ ስብኚቱ በኩል በአፋጣኝ ምላሜ ሊያገኙ ይገባ቞ዋል ያላ቞ውን 13 ነጥቊቜን በመለዚት ለሀገሹ ስብኚቱ እንዲደርሰውና ኹበዛ በአንድ ወር ጊዜ ውስጥ ለተጠቀሱት ዚመልካም አስተዳደር ቜግሮቜ ምላሜ እንዲሰጥና ዚውሳኔውን መፈጾም አለመፈጾም በተመለኹተም ተኚታትለው ዚሚያስፈጜሙ ሊስት ዚመምሪያ ኃላፊዎቜን መድቧል።

Read more

በአርሲ ዞን አንዳንድ ወሚዳዎቜ በኊርቶዶክሳውያን ላይ ዹተፈጾመውን ግድያ ዹጠቅላይ ቀተክህነት አስተዳደር ጉባኀ አወገዘ።

ኅዳር ፳፭ ቀን ፳፻ ፲ወ፮ዓ.ም
“””””””””””””””””””””””””””
አዲስ አበባ-ኢትዮጵያ
******
ዚኢትዮጵያ ኊርቶዶክስ ተዋሕዶ ቀተክርስቲያን ጠቅላይ ቀተክህነት አስተዳደር ጉባኀ በዛሬው እለት ባደሚገው መደበኛ ስብሰባ በምሥራቅ አርሲ አንዳንድ ወሚዳዎቜ በኊርቶዶክሳውያን ወገኖቻቜን ላይ ዹደሹሰውን ዚሞት አደጋ በተመለኹተ ኅዳር 24 ቀን 2016ዓ.ም ኹሀገሹ ስብኚቱ በስልክና በደብዳቀ ዹደሹሰውን መሹጃ መነሻ በማድሚግ ውይይት ካደሚገ በኋላ ውሳኔ አስተላልፏል።

ሀገሹ ስብኚቱ ለጠቅላይ ቀተክህነት ባደሚሰው መሹጃ በአርሲ ዞን በሹርካ ወሚዳ ሶሌ ሚካኀል፣በዲገሎ ማርያም፣ በሮቀ እንደቶ ደብሚ ምጥማቅ ማርያም አብያተክርስቲያናት ላይ በተለያዩ ጊዜያት 36 ኊርቶዶክሳዊያን በደሚሰባ቞ው ጥቃት ሕይወታ቞ውን ማጣታ቞ውን በሪፖርቱ አሳውቋል።

በተጚማሪም በሶሌ ዲገሉ እና ጢጆ ለቡ በተባሉ ቀበሌዎቜ 28 ኊርቶዶክሳዊያን ኚዚቀታ቞ው ተለቅመው ዹተገደሉ ሲሆን ኚእነዚህ ውስጥም 7ቱ ሎቶቜና 21ዱ ወንዶቜ መሆናቾው ነተገለጾ ሲሆን በዚህ ጥቃትም እድሜያ቞ው ኚሰባ ዓመት አዛውንት እስኚ ሃያ ስምንት ቀን ጹቅላ ሕጻናት ዚጥቃቱ ሰለባ መሆናቾው ተገሌጿል።

ኚሁለት ቀናት በፊትም በዲገሉ ማርያም ቀተክርስቲያን 5 ኊርቶዶክሳዊያን ኹመገደላቾው በተጚማሪ ዚሊስት ኊርቶዶክሳውያን ቀት መቃጠሉ ታውቋል።በተያያዘም ኹዚህ ቀደም በሮቀ አንዲቶ ደብሚ ምጥማቅ ማርያም ቀተክርስቲያን በዓለ ማርያምን አክብሚው ወደ ቀታ቞ው በመመለስ ላይ ዚነበሩ ሊስት ኊርቶዶክሳዊያን ጹለማን ተገን ባደሚጉ ነፍሰ ገዳዮቜ መገደላቾውንም ሀገሹ ስብኚቱ በላኹው በሪፖርት ገልጿል።በማያያዝም በመንግሥት በኩል አጥፊዎቜ ላይ እርምጃ መወሰድ ዹተጀመሹ መሆኑንም ሀገሹ ስብኚቱ ገልጿል።

አስተዳደር ጉባኀው በምሊራቅ አርሲ ሀገሹ ስብኚት አንዳንድ ወሚዳዎቜ በኊርቶዶክሳውያን ወገኖቻቜን ላይ በደሹሰው ጥቃትና ሞት በእጅጉ ማዘኑን ገልጟ በዚህ መልኩ በኊርቶዶክሳዊያን ወገኖቻቜን ላይ ዹሚደርሰው ጥቃትና ሞት አሳዛኝና ድርጊቱም በጜኑ ዚሚኮነንና ዹሚወገዝ ተግባር ነው በማለት አውግዞታል።

ይህን ዹመሰለ በጭካኔ ዹተሞላ ድርጊትም መቆም ዚሚቜልበት፣ወገኖቻቜን ሕገ መንግስታዊ ኹለላን በማግኘት በሰላም መኖር ዚሚቜሉበት መንገድ መፈጠር አለበት ያለው አስተዳደር ጉባኀው በጉዳዩ ዙሪያ ሰፊ ውይይት ካደሚገ በኋላ ጉዳዩ ኹፍ ባለ ደሹጃ መታዚት ዚሚገባው መሆኑን በማመን ለቋሚ ሲኖዶስ ቀርቩ ውሳኔ ማግኘት ይቜል ዘንድ ለቋሚ ሲኖዶስ ግብዓት ዹሚሆን ምክሹ ሐሳብን አቅርቧል።

አስተዳደር ጉባኀው በተለያዩ ቊታዎቜ ዚሚኚሰቱ ቜግሮቜን ተኚትሎ አህጉሹ ስብኚት ለጠቅላይ ቀተክህነቱ ሪፖርት ባደሚጉ ጊዜ ጉዳዩን በማዚት ውሳኔ ዚሚያስተላልፍ መሆኑን ገልጟ ሪፖርት ባልተደሚገበትና በሚዲያዎቜ ዚተነገሩ መልዕክቶቜን ብቻ መነሻ በማድሚግ ውሳኔ ማስተላለፍ በተቋም ደሹጃ ቀተክርስቲያንን ዚሚጎዳ ስለሆነ አህጉሹ ስብኚት ቜግሮቜ በገጠሟቾው ጊዜ ሁሉ በፍጥነት ሪፖርት
መላክ ይገባ቞ዋል ብሏል።