ሚያዚያ ፲፱ ቀን ፳፻፲ወ፰ዓ.ም.
ኢኦተቤክ ሕዝብግንኙነት
አዲስአበባ ኢትዮጵያ
👉 እስከ ምድር ዳርቻ ምስክሮች ሊሆኑ ለተጠሩት ለቅዱሳን ሐዋርያት በመጀመሪያ የታወጀው አዋጅ የማይሻር፣ ለዘለዓለም ጸንቶ ከትውልድ ወደ ትውልድ እየተላለፈ ያለና ሲተላለፍ የሚኖር ሕያው ቃል በመሆኑ ብርሃናተ ዓለም ሐዋርያት፣ ሰባ ሁለቱ አርድዕት የስብከታቸውን ማዕከል ክርስቶስንና የአዳኝነቱን ሥራ በማድረግ አስዋከ ረሲዓንን እየነቀሉ፣ የወንጌልን ምርጥ ዘር በምዕመናን የልቡና ማሳ ላይ እየዘሩ በጋራም በተናጠልም ከፍተኛ ሐዋርያዊ ተጋድሎ የፈጸሙ ሲሆን ዘሩም በቅሎ አፍርቶ ፍሬው ከሐዋርያት ለሐዋርያነ አበው፣ ከሐዋርያነ አበው ለሊቃውንት ከሊቃውንት ወደ እኛ ዘመን መተላለፉ የሚታወቅ ነው፡፡
👉 የክርስቲያኖች ቁጥር እየጨመረ ሲመጣ በጥንድ እና በግል ሲመራ የነበረው የአመራር ስርዓት በመዋቅር የመምራት ስሌት ከመጣ በኋላም ብዙ አባቶቻችን ስለ ቤተክርስቲያን አያሌ ተግባራትን ማከናወናቸው ሌላኛው የስብከተ ወንጌል ፍሬ መሆኑም ይገለጻል።
👉 ለዘመናት በብዙ ፈተና ያለፈችው ቅድስት ቤተክርስታያናችን በ1950ዓ.ም ከግብፅ የአመራር
ስርዓት ወጥታ የራሷን ፓትርያርክ ከሾመች በኋላ በ1952ዓ.ም የመጀመሪያ ሥራዋን ያደረገችው የሀገሪቱን ንጉሥና ቅዱስ ፓትርያርኩ የበላይ ጠባቂነት የሚመራ ከሊቅ እስከ ደቂቅ ያሳተፈ የስብከተ ወንጌል ማስፋፊያ ምክር ቤት ማቋቋም ሲሆን ምክር ቤቱ ከንጉሡ እና ከፓትርያርክ ጀምሮ ሁሉም ተስፋ የሚጥሉበት ስለነበረ ለአፈጻጸም የማይቸገር መሆኑን
ሊቃውንት ይገልጻሉ።
👉 የንጉሡ ዘመን ካለፈ በኋላም ሶሻሊዝምን አራማጁ የደርግ መንግሥት ለስብከተ ወንጌል ፈተና ቢሆንበትም ቅሉ ባለ ራዕዩ እና ልባሙ ቅዱስ ፓትርያርክ ብፁዕ ወቅዱስ አቡነ ቴዎፍሎስ አማካኝነት ሰበካ ጉባኤንና
ሰንበት ትምህርት ቤት ወልዶ ራሱን በመዋቅር በ1972ዓ.ም አዲስና ለእንቅስቃሴው በር ከፋች ስርዓት በመፍጠር ሲሰራ እንደነበረ የዓይን እማኞች ይናገራሉ።
👉 ከለውጡ ማግሥት በ1984 እና በ1988 ዓ.ም. ደግሞ በሌላኛው ፓትርያርክ ልዩ መተዳደሪያ ደንብ ተሠርቶለት ስብከተ ወንጌልን በማስፋፋቱ ረገድ አንቱ የተባለ ሥራ የተሠራ ሲሆን በ1992 ዓ.ም. ደግሞ ዓለም ዓቀፋዊ በሆኑት ፓትርያርክ በብፁዕ ወቅደስ አቡነ ጳውሎስ መመሪያ ሰጭነት በብፁዕ አቡነ ቄርሎስ የወቅቱ ሥራ አስኪያጅ አስፈፃሚነት የተቋቋመው የ120 ቤተሰብ የስብከተ ወንጌል ማስፋፊያ ኮሚቴ ደግሞ ሌላኛው የስብከተ ወንጌል ገፅታ ነው።
👉 በዚህ ልክ ራሱን እያሳደገ የመጣው የስብከተ ወንጌልና ሐዋርያዊ ተልእኮ መምሪያ ዛሬም የምዕመናን ደጀንነቱንና የቤተክርስቲያን ብቸኛ ተስፋ መሆኑን በሚገልጽ መልኩ በየጊዜው ስልጠናዎችንና ውይይቶችን እየደረገ ነው።
👉 በዛሬው እለትም ይህንኑ ስልጠናና ውይይት በወንጌል ሕይወታች ሆነልን በሚል ርዕስ ያካሄደ ሲሆን በስልጠናው ብፁዕ አቡነ ሳዊሮስ የጠቅላይ ቤተክህነት ዋና ሥራ አስኪያጅ፣የደቡብ ምዕራብ ሸዋና የሸገር ከተማ አህጉረ ስብከት ሊቀ ጳጳስ፤ብፁዕ አቡነ ዲዮስቆሮስ የቅዱስ ሲኖዶስ ዋና ጸሐፊና የራያ ሀገረ ስብጰት ሊቀ ጳጳስ፤
ብፁዕ አቡነ ሕርያቆስ የአዲስ አበባ ፣ የሐድያና ስልጤ አህጉረ ስብከት ሊቀ ጳጳስ
ብፁዓን አበው ሊቃነ ጳጳሳት፣
ክቡር ንቡረዕድ ኤልያስ አብርሃ የጠቅላይ ቤተክህነት የመንፈሳዊ ዘርፍ ምክትል ዋና ሥራ አስኪያጅ፤
ክቡር ረዳት ፕሮፌሰር ግርማ ባቱ የጠቅላይ ቤተክህነት ማኅበራዊና ኢኮኖሚያዊ ዘርፍ ምክትል ሥራ አስኪያጅ፤
ክቡር ሊቀ ኅሩያን ይልማ ጌታሁን የኢትዮጵያ የመጽሐፍ ቅዱስ ማኅበር ጠቅላይ ጸሐፊ
ክቡራን የጠቅላይ ቤተክህነት የየመምሪያ ኃላፊዎችና የየድርጅቶች ሥራ አስኪያጆች፤
ክቡራን የአህጉረ ስብከት ዋና ሥራ አስኪያጆችና የስብከተ ወንጌል ክፍል ኀላፊዎች እንዲሁም ጥሪ የተደረገላቸው እንግዶች ተገኝተዋል።
👉 መርሐግብሩ በብፁዕ አቡነ ሳዊሮስ የመንበረ ፓትርያርክ ጠቅላይ ቤተክህነት ዋና ሥራ አስኪያጅ የሸገር ከተማና የደቡብ ምዕራብ ሸዋ አህጉረ ስብከት ሲሆንሊቀ ጳጳስ የምስካየ ኅዙናን መድኀኔዓለም ገዳም የበላይ ኀላፊ መሪነት የመንበረ ፀባዖት ቅድስት ሥላሴ ካቴድራል ካልናት ጸሎተ ወንጌል አድራሽነት ተጀምሮ የስብከተ ወንጌል ተግዳሮቶችና መፍትሔዎቻቸው በሚል ርዕስ ጥናታዊ ጽሑፍ ቀርቦ በርሱም ላይ ወይይት ተደርጎ ከምሳ ሰዓት በፊት ያለው መርሐግብር ተጠናቋል።

ሚያዚያ ፲፭ ቀን ፳፻፲ወ፰ዓ.ም.
ኢኦተቤክ ቤሕአልድ
አዲስአበባ ኢትዮጵያ
የቤቶችና ሕንፃዎች አስተዳደርና ልማት ድርጅት ይዞት የተነሳውን የደንበኛ ተኮር አስተዳደር ስርዓት አካል የሆነው የዘመናዊ ገንዘብ አስተዳደር ቴክኖሎጂ ማበልጸግ ተግባራዊ ለማድረግ ከበርካታ ባንኮች ፣ ድርጅቶችና ኤጀንትቶች አማራጭ መንገዶችን ለማየት ተደጋጋሚ ውይይቶችን ማድረጉን መዘጋባችን የሚታወስ ነው።
የቀረቡት አማራጮች ሙሉ በሚባል ደረጃ የሚያጓጉ ቢሆኑም ድርጅቱ ጥበብ በተሞላው ምርጫ በመምረጥ ከዐባይ ባንክ አክስዮን ማኅበር አራት ኪሎ ቅርንጫፍ ጋር ለመሥራት የወሰነ ሲሆን ባንኩ ያቀረበው አማራጭ እጅግ ዘመኑን የዋጀና በቀላል መንገድ ሊተገበር የሚችል መሆኑ ታይቶ ስምምነት ተደርጓል ።
በስምምነቱ ደንበኞች ያለምን ውጣ ውረድ ኪያራያቸውን በሞባይል ባንኪን እንዲከፍሉ ማድረግ፣ የመክፈያ ጊዜ ሲደርስ ማስታዎሻ መልእክት መላክ፣ ከክፍያ በኋላ አመስግኖ መቀበል፣ ጊዜው ያለፈባቸውን ከፋዮች ከእነቅጣታቸው እንዲከፍሉ ማንቃትና የመሳሰሉትን የሚተገብር ነው ተብሏል።
ይህንን ቴክኖሎጂ መላው ደንበኞች ተጠቃሚ በመሆን ክፍያን ከፍለው ደረሰኝ ለማወራረድ የሚያባክኑትን ጊዜ ይቆጥባሉ ተብሎ ይታመናል።
ይህ የደንበኞችን ልብ በሐሴት የሞላው ዘመናዊው የኪራይ አሰባሰብ ስርዓት በዛሬው እለት ብፁዕ ወቅዱስ አቡነ ማትያስ ቀዳማዊ ፓትርያርክ ርዕሰ ሊቃነ ጳጳሳት ዘኢትዮጵያ ሊቀ ጳጳስ ዘአክሱም ወእጨጌ ዘመንበረ ተክለሃይማኖት ፤
ብፁዕ አቡነ ሳዊሮስ የጠቅላይ ቤተክህነት ዋና ሥራ አስኪያጅ፣የደቡብ ምዕራብ ሸዋና የሸገር ከተማ አህጉረ ስብከት ሊቀ ጳጳስ፤ብፁዕ አቡነ ዲዮስቆሮስ የቅዱስ ሲኖዶስ ዋና ጸሐፊና የራያ ሀገረ ስብከት ሊቀ ጳጳስ፤
ብፁዕ አቡነ ሳሙኤል የልማትና ክርስቲያናዊ ተራድኦ ኮሚሽንና የቤቶችና ሕንጻዎች አስተዳደርና ልማት ድርጅት ሊቀ ጳጳስ፤
ብፁዓን አበው ሊቃነ ጳጳሳት፣
ክቡር ሙሐዘ ጥበባት ዳንኤል ክብረት የክቡር ጠቅላይ ሚንስትር በማኅበራዊ ዘርፍ አማካሪ
ክቡር ንቡረዕድ ኤልያስ አብርሃ የጠቅላይ ቤተክህነት የመንፈሳዊ ዘርፍ ምክትል ዋና ሥራ አስኪያጅ፤
ክቡር ረዳት ፕሮፌሰር ግርማ ባቱ የጠቅላይ ቤተክህነት ማኅበራዊና ኢኮኖሚያዊ ዘርፍ ምክትል ሥራ አስኪያጅ፤
ክቡራን የጠቅላይ ቤተክህነት የየመምሪያ ኃላፊዎችና የየድርጅቶች ሥራ አስኪያጆች፤
ክቡራን እና ክቡራት የድርጅቱ ሠራተኞች እንዲሁም ጥሪ የተደረገላቸው እንግዶች በተገኙበት በታላቅ መንፈሳዊ ስነ-ስርዓት ተመርቆ ለአገልግሎት በቅቷል።

ሚያዝያ 14 ቀን 2018 ዓ.ም
‎የቁልቢ ደብረ ኃይል ቅዱስ ገብርኤል ገዳም ዕድሳት አስመልክቶ በተሰጠው መግለጫ ላይ ብፁዕ ወቅዱስ አቡነ ማትያስ ቀዳማዊ ፓትርያርክ ርዕሰ ሊቃነ ጳጳሳት ዘኢትዮጵያ ሊቀ ጳጳስ ዘኣክሱም ወዕጨጌ ዘመንበረ ተክለሃይማኖት፣ ‎ብፁዕ አቡነ ሳዊሮሰ የጠቅላይ ቤተክህነት ዋና ሥራ አስኪያጅ የምዕራብ ሸዋና የሸገር ከተማ አሀጉረ ስብከት ሊቀ ጳጳስ፣ ‎ ብፁዕ አቡነ ዲዮስቆሮስ የቅዱሰ ሲኖዶስ ዋና ፀሐፊና የራያ ሀገረ ስበከት ሊቀጳጳስ፣ ‎ብፁዕ አቡነ ሳዊሮሰ የቴክሳስ ሀገረ ስብከት ሊቀ ጳጳስ፣ ‎ብፁዕ አቡነ ይስሐቅ የወላይታ ሀገረ ስብከት ሊቀ ጳጳስ ተገኝተዋል ።
‎
‎በኢትዮጵያ ኦርቶዶክስ ተዋሕዶ ቤተክርስቲያን ምሥራቅ ሐረርጌ ሀገረ ስብከት በየዓመቱ በሚሊዮን የሚቆጠሩ ምዕመናን የሚሳለሙት ታሪካዊው የቁልቢ ደብረ ኃይል ቅዱስ ገብርኤል ገዳም፣ የሕንጻውን ጥንታዊነት ለመጠበቅና ምዕመናን የተሻለ አገልግሎት ለመስጠት የሚያስችል ሰፊ የዕድሳት ሥራ እየተሠራ እንደሚገኝ ተገልጿል ።
‎‎መገለጫዉን ያቀረቡት ብፁዕ አቡነ ሳዊሮሰ የጠቅላይ ቤተክህነት ዋና ሥራ አስኪያጅ ሲሆኑ ‎የዚህ ታላቅ የዕድሳት ፕሮጀክት ዓላማ በጊዜ ብዛትና በአየር ንብረት ለውጥ ምክንያት በቤተክርስቲያኑ ጣሪያ፣ ግድግዳ እና ውጫዊ አካላት ላይ የደረሱ ጉዳቶችን መጠገን እና የቤተክርስቲያኑን ጥንታዊ የኪነ-ሕንጻ ጥበብና ታሪካዊ ይዘት ሳይለቅ በባለሙያዎች የታገዘ ጥገና ማካሄድ እንደሆነ ባቀረቡት ማብራሪያ ገልጸዋል ።
‎ብፁዕነታቸው ዕድሳቱ በብዙ ምዕራፎች የተከፈለ መሆኑን ገልጸው ጥናትና የዲዛይን ሥራዎችን ማጠናቀቅ ፣ የቤተክርስቲያኑን ዋና አካል (መቅደስና ቅኔ ማኅሌት) የመጠገን ሥራ ፣ የአጸዱንና በዙሪያው ያሉ አገልግሎት መስጫዎችን የማዘመን ሥራን ያካትታል ብለዋል ።
ብፁዕነታቸው ‎ይህ ቤተክርስቲያን የሃይማኖት ሥፍራ ብቻ ሳይሆን የሀገር ቅርስ ቢሆንም ፤ ላለፉት 64 ዓመታት ዕድሳት ሳይደረግበት የቆየው ሕንጻ ቤተክርስቲያን ከፍተኛ ጥንቃቄ በተሞላበት ሁኔታ ዕድሳቱ እየተከናወነ ይገኛል ብለዋል። ለዕድሳቱ የሚያስፈልገው አጠቃላይ ወጪ ከ134 ሚሊዮን ብር በላይ እንደሚያሰፈልግም ተጠቁሟል ።
‎ለዚህ ግዙፍ ፕሮጀክት ስኬት ምዕመናን በጸሎት፣ በጉልበትና በገንዘብ ድጋፍ እንዲያደርጉ ጥሪ አቅርቧል።
በሀገር ውስጥና በውጭ ሀገር የሚገኙ ኢትዮጵያውያን በገዳሙ ስም በተከፈቱ የባንክ ሒሳቦች አማካኝነት የድርሻቸውን እንዲወጡ ብፁዕ አቡነ ሳዊሮስ የጠቅላይ ቤተ ክህነት ዋና ሥራ አስኪያጅ ጥሪ አቅርበዋል።©EOTCTV

ሚያዚያ 11ቀን2018ዓ.ም
ብፁዕ አቡነ ሳዊሮስ የመንበረ ፓትርያርክ የጠቅላይ ቤተክህነት ዋና ሥራ አስኪያጅ፣ የደቡብ ምዕራብ ሸዋና የሸገር ከተማ አህጉረ ስብከት ሊቀ ጳጳስ እና ብፁዕ አቡነ ዲዮስቆሮስ የኢትዮጵያ ኦርቶዶክስ ተዋህዶ ቤተ ክርስቲያን የቅዱስ ሲኖዶስ ዋና ጸሐፊና የራያ ሀገረ ስብከት ሊቀ ጳጳስ ሚያዝያ 10 ቀን 2018 ዓ.ም በናይሮቢ የኢትዮጵያ ኤምባሲ ጉብኝት አደረጉ።
በጉብኝቱ ወቅት የሚሲዮኑ ዲፕሎማቶች እና ሠራተኞች ለብፁዓን አባቶች አቀባባል ያደረጉ ሲሆን፣ የሚሲዮኑ ምክትል መሪ ክቡር አምባሳደር ደመቀ አጥናፉ ለብፁዓን አባቶች ስለኤምባሲው አመሰራረት እንዲሁም በሁለቱ አገሮች መካከል ስላለው መልካም ግንኙነት እና ትብብር ገለጻ ሰጥተዋል ሲል ኤምባሲው በማኀኅበራዊ ሚዲያ ገጹ አስተታውቋል።