++++++++++++++++++++++++++++
Hin sodaatinaa! Kunoo, ani misraachoo gammachuu guddaa isinittan hima kunis  saba hundumaaf kan ta’uu dha.
Luqaas 2:10
Maqaa Abbaa Kan Ilmaa Kan Hafuura Qulqulluu Waaqa Tokko Ameen!

Amantoonni Mana Kiristaanaa Ortodoksii Tawaahidoo Itiyoophiyaa guutuu addunyaatti argamtan, ijoolleen keenya hafuura qulqulluu hundi keessan, baga guyyaa ifa dhalootaa gooftaa keenya Iyesus Kiristoos nagaa fi fayyaan geessan.
Abbaan keenya Addaam fi haati keenya Hewaan sababa Waaqayyoo irraa fagaachuu isaaniitiin boo’icha gaabbii isaan bo’an  fudhatee waaqni amala isaatti hin mul’anne nama ta’ee mul’achuun lammaffaa gara isaaniitti akka deebi’u waadaa galeefi ture.

Addaamiifi Hewaaniin booda kan bakka bu’an ijoollee Addaam  waaqayyoon keenya waadaa abdii osoo keennuufi afaan raajota isaatiin haadha keenya qulqulleettii Dubroo Maariyaam irraa durbummaan akka isheerraa dhalatu,warreen dukkana keesaan jiranis gara ifa ajaa’ibaatti akka bahan raajiin dubbataa ture.
Waadaa Addaamiif galamee fi raajonni waa’ee dhaloota isaa dubbatan guyyaan raawwii isaa ga’uun,uumaan yeroofi baroonni isaaf hin lakkaa’amne bara kana ture hin turres jedhamee kan hin dubbatamneef baroota dura kan ture uumaan barootaa,barootas dabarasee mootummaa isaatiin kan jiraatu waaqni keenya jaalala namaatiif yeroon akka lakkaa’amuuf jecha Beeteliheemiitti giiftii keenya dubroo Maariyaam irraa dhalate.
Yeroo sanatti ergamaan Gooftaa tiksitoota loon isaanii tiksan gidduutti mul’atee, “kunoo  ani oduu gammachiisaa ilma namaa hundumaaf ta’u waanin isinitti himuuf hin sodaatinaa jedheen.
Tiksitoonnis ulfina Gooftaa isaan irratti ibse waan hin beekneef sodaadhaan ergamaa sana dhaggeeffatan Ergamichis, Kunoo, har’a magaalaa Daawit keessatti fayyisaan isiniif  dhalateera, innis Kiristoos Gooftaadha jedheen.
Misiraachoo guddaa kana akkuma dhaga’aniin ergamoonni samii ergamaa wajjin itti mul’atanii, ”ስብሐት ለእግዚአብሔር በሰማያት ወሰላም በምድር ሥምረቱ ለሰብእ” Galatni Waaqayyoos samii irratti Nageenyi dhala namaa hundaaf lafa irratti haa ta’u jechuun waliin  tokkummaadhaan galateeffatan.
Jaallatamtoota Ijoollee keenya hafuura qulqulluu, kiristaanotaa, Waaqni keenya salphina fi kufaatii dhala namaa argee jaalalaa fi gara laafina guutuu ta’een teessoo isaa irraa bu’ee ayyaanaa fi ulfina isaa nu ijoollee isaaf kenneera.
Ulfina keenyaa irraa waan buuneef ulfina isaa irraa bu’ee,foonaa horii keessatti dhalateera.Qullaa keenya hundatti gooftaan ayyaana isaa nu uwwisu uffata huccuufi baalaan marameera. Nyaata lubbuu dhabnee du’uu keenyaaf inni nyaata hundaa yeroo ta’u,harma haadha isaa hodhaa akka daa’imaatti bo’eera.
Raajiin Waaqayyoo Isaayaas raajii isaa keessatti namoota duukana keessa jiraachaa turaniif ifa arge,namoota biyya du’aa (si’ool) jiraachaa turaniif ifni ba’e jedhee akkuma dubbate, Hundaa ol, ijoollee isaa waggaa kuma shan fi dhibba shan dukkana cubbuutiin marfamanii turanif ifa nu uffiseera.
Dhalachuun Gooftaa keenya Iyyasuus Kiristoos, dubbii misiraachoo  gammachiisaa ergamichaan labsame, namaa fi ergamoonni sababa kufaatiin addaan ba’ani turan tokko akka ta’an gabatee galateeffannaa tokko irra akka taa’an taasiseera.
Iccitiin kanaas Wangeela Maatewos 22:30 fi Mul’ata Yohaannis 1:21 irratti akkuma barreeffameetti addunyaan kun darbee biyya lafaa dhufu keessatti ilmaan namootaa fi ergamoonni tokkummaadhaan waaqayyoon galateeffachaa waliin akka jiraatan argisiisa.
Jaallatamtoota Ijoollee keenya hafuura qulqulluu, amantootni hunduu, Dhalachuu Gooftaa keenya Iyyasuus Kiristoosiin nagaa, jaalalli, haqni fi dhugaan  jabaateera. Kanaaf dhalachuu Waaqa keenyaaf dukkana irraa gara ifaatti kan baane jibba irraa gara jaalalaatti kan  deebine bulchiinsa daabilooa haqa hin qabne  jalaa kan  baane, hundi keenya yeroo kanatti ayyaana guddaa dhaloota Gooftaa irratti nuuf kenname kana jabeessuu qabna.Ayyaanni kun ayyaana namoota tuffataman fi rakkatan itti daawwannuudha.
Waaqayyo Waaqni keenya gara warra tuffatamaniitti, gara warra kufaniitti, gara warra rakkataniitti gara keenyatti nuuf dhufeera. Dhufuu qofa miti nu warra tuffatamne  nu kabajeera nu warra kufne ol nu kaaseera.
nu warra rakkanne qabeesota nu godheera. Kanaaf ayyaana kana keessatti Waaqayyoon osoo hin taane, namaan warra tuffataman. warra sababa Waaqayyoon osoo hin ta’in humna dhabuun kufannitti lubbuudhaan osoo hin taane fooni gara warra rakkataniitti deemuun jaalala waaqayyo keenya nu daawwateetti daawwachuun nurra ni jiraata.
Gooftaa fi Waaqayyo keenya Iyyasuus Kiristoos Beetaliheemitti dhalate. Tiksoonni naannoo Beetaliheemitti argaman ergamoota waliin faarfannaadhaan dhalachuu Waaqa isaanii kabajaniiru.

Tiksitoota malees hoolaa, re’ee fi harree Beetaliheem bakka Gooftaan itti dhalate keessatti argamaniiru.Beeteliheem ergamoonni fi tiksitoonni waliin faarfatan sun har’aa, Qulqulleettii mana kiristaanaadha. hoolaa,re’een harreen, bineeldonni Beeteliheemiitti daa’ima reefuu dhalate afuura isaaniitiin ho’isan mana kiristaanaa ishee har’aadha.
Kanaaf nuti luboonni tiksoota jedhamne, amantoonnii hooloota jedhamtan fakkeenya Beeteliheemii mana kiristaanaa itti dhalateetti argamuun ergamoota isaa waliin gooftaa Beeteliheemiitti dhalateefi haadha isaa isa deesseef faarfannaa keenya akka dhageesifnu waamichakoo kabajaan dabarsa.
Waaqayyon Itiyoophiyaa haa eebbisu.

Eebbifammo Abuuna Saawiroos qondaala phaaphaasii biyyota lallaba magaalaa shaggari fi godina kibba lixxa shawaa akkasumas dura ta’a olaana kawaala miskaya hizunaan fayyisa adunyaa

መረጃውን ያገኘነው ከሀገረ ስብከቱ ሕዝብ ግንኙነት ነው።